Cyfle i wella eich sgiliau digidol – am ddim

Mae Cynhyrchu Cyfryngau Uwch a gefnogir gan Gronfa Gymdeithasol Ewrop trwy Lywodraeth Cymru yn cael ei arwain gan Brifysgol Aberystwyth. Mae’r prosiect yn cefnogi sector diwydiannau creadigol Cymru trwy hyfforddi gweithwyr proffesiynol a graddedigion i fanteisio ar dechnolegau newydd mewn cynhyrchu cyfryngau.

Mae Cynhyrchu Cyfryngau Uwch yn gynllun amlddisgyblaeth unigryw rhwng adrannau Cyfrifiadureg, ac Astudiaethau Theatr, Ffilm a Theledu ym Mhrifysgol Aberystwyth.

Drwy gyfuno gwybodaeth ymarferol am raglennu cyfrifiaduron a chynhyrchu cyfryngau, y nod yw rhoi’r sgiliau  ymarferol angenrheidiol i gyflogeion allu gweithio gyda thechnolegau digidol a chyfryngau uwch.

Gan weithio ar y cyd â Phrifysgol Aberystwyth, gallwn gynnig mynediad i fusnesau ac unigolion i hyfforddiant lefel uchel i’w galluogi i ddod yn fwy cynaliadwy ac effeithlon a gyda ffocws penodol ar dechnolegau newydd a’u potensial ar gyfer cynyddu twf a swyddi.

Darperir hyfforddiant mewn fformat hyblyg sy’n ymateb i’r diwydiant ac sy’n galluogi myfyrwyr i weithio trwy ddysgu o bell â chymorth i ddiweddaru eu gwybodaeth dechnegol, ymgorffori diwylliant ymchwil yn y gweithle a gweithio tuag at gymwysterau ôl-raddedig wedi’u teilwra i’w hanghenion diwydiant.

 

Erbyn hyn mae lefel ariannol uwch fyth ar gael trwy’r prosiect mewn ymateb i sefyllfa firws Covid-19. Felly gall sefydliadau cymwys* a’r hunan-gyflogedig nawr elwa ar hyfforddiant â hyd at 100% o gymhorthdal.

*Rhaid i sefydliadau beidio â bod wedi derbyn mwy na 200,000 ewro o gymorth gwladwriaethol De Minimis yn ystod y 3 blynedd ariannol ddiwethaf. Mae angen datganiad De Minimis

I bwy y mae’r cynllun?

  • Ydych chi’n ymwneud â’r sector Diwydiannau Creadigol? Neu hoffech chi ymwneud â’r sector?
  • Hoffech chi ddiweddaru’ch sgiliau a’ch gwybodaeth fel y gallwch chi fod yn fwy arloesol yn eich rôl a/neu ennill cymhwyster ôl-raddedig?
  • A oes gennych chi radd neu o leiaf 2 flynedd o brofiad gwaith perthnasol?
  • Ydych chi’n byw neu’n gweithio yng Ngorllewin Cymru a’r Cymoedd?

Os gwnaethoch chi ateb yn gadarnhaol i’r cwestiynau hyn, yna mae Cynhyrchu Cyfryngau Uwch ar eich cyfer chi!

Modiwlau Hydref 2021

Cyflwyniad i Gynhyrchu Cyfryngau PNG
Rhaglennu ar gyfer Cyfryngau Digidol PNG
Rhywedd a Chynhyrchu Cyfryngau
Datblygu Gwefannau
Sgiliau Cynhyrchu Cyfryngau Uwch
Data Mawr
Cysyniadau a Sgiliau Ymchwil PNG
AMP Team

Cwrs Cyfryngau Cymraeg ar Restr fer Gwobr Bwysig

Mae cwrs Cynhyrchu Cyfryngau Uwch Prifysgol Aberystwyth wedi cyrraedd rhestr fer Menter Cyfnewid/Trosglwyddo Gwybodaeth y Flwyddyn yn ‘THE Awards’ eleni. Mae ‘THE Awards’ yn cael eu cydnabod yn eang fel Oscars addysg uwch, yn denu cannoedd o gynigion bob blwyddyn sy’n arddangos talent, ymroddiad ac arloesedd unigolion a thimau ar draws pob agwedd ar fywyd…